શાયરી ૨

 

શબ્દ-ઝરૂખે !

પિંજર ના એક ભાગ નું પક્ષીકરણ થયું,

છાતીના કલબલાટ વિષે શું કહું બીજું?

તારી નિરાંતમયતા મને, 'કેમ છે?' પુછે,

ટોળાત્મકાયેલો હું હસી લઉં થોડું ઘણું.

ઘડિયાળ અથવા ઘાસ બન્યો હોઉં એ રીતે,

મારે લણાતા અથવા ક્ષણાતા થઈ જવું પડ્યું.

સ્વપનાપ્રચુર ઊંઘ નું ખાલી હતું નગર,

કે પારદર્શિકાઓ વડે એ ભર્યું હતું!

ભીંતેશ્વરાય નમઃ કહી હાથ જોડ્યા બાદ,

સાષ્ટાંગવત દશામાં પલંગસ્થ થઈ જવું.

~ડો.મુકુલ ચોક્સી